DÚKÁN
Qaraqalpaqsha
at. (arabsha, kishi magazin; shatır, ustaxana).
1. Qanday bir nárselerdi satıwushın arnawlı bezelgen sawda-satıq xanası; jay, orın.
Azıq-awqat dúkánı.
Xojalıq tovarları dúkánı.
Adamlarǵa ókpesi isingen Ulperi SHerniyazdıń dúkánınıń aldına keldi, dúkán ilik edi (K.Raxmanov).
2. Temirshiniń ustaxanası.
Máselen, temirshilik penen shuǵıllanatuǵın adamlardıń jumıs ornı «dúkán» dep atalǵan, bul jerde temirshiniń kórigi, ásbapları hám islep shıǵarǵan ónimleri bolǵan («QÁ» g.).
Áńgime-dúkán qurıw — a) kóp sóylesiw, gúrrinlesiw; Nebir isi joq adamlar dúkánshılar menen gúrrińlesip, áńgime-dúkán qurıp otırıp, kópshiliktiń ortasında... ǵázzelin aytadı (Q.Ayımbetov).
b) paydasız ǵápler menen shuǵıllanıw.
Dúkán ashıw — sawda-satıq penen shuǵıllanıw.
Dúkán aǵash — aǵashtı súriw, jonıw ushın arnalǵan qural.