DÁLDALSHÍ
Qaraqalpaqsha
at. 1. Kóbinese maldı satıwshı menen alıwshının arasına túsip, shirinkene alıp, sawdanı kelistiriwshi adam, kisi.
Araǵa bir dáldalshı salıp, kishirek bir tuwshanıń pulına aladı (T.Qayıpbergenov).
Tıshqaqılaq padanı búldirer, Dáldalshı kóbeyse, qalanı búldirer (qq.x.n.m.).
2. Ortada turıp, jónsiz islerdi arashalawshı, ortaǵa túsiwshi, murasashı.
— Bul aytıs-jánjeldi sheshiw kerek, — dep, dáldalshı aqıl-oy shıqtı da tórge (M.Qarabaev).