EKINSHI
Qaraqalpaqsha
san.
1. Qatarlıq sanlıq.
Al, tanıs emes jigit, asxananıń ekinshi esiginen álle qashan shıǵıp ketken eken (Q.Ayımbetov).
Bunı kórip kempir bul awılǵa qaytarsın kelermen dep, ekinshi awılǵa ótip ketedi (Q.Ayımbetov).
Usı joldıń ayaǵı ekinshi brigadaǵa baradı (S.Xojaniyazov).
2. Tárep, jaq, baǵdar.
Ekinshi bir jerine basqasha taza pikir jazdı (Ó.Ayjanov).
Arshanıń ústine boǵjama, qarshın, qarshıńnıń ústine túrli kórpe-tósek, ekinshi jaqtaǵı júk sandıqtıń ústine kórpe, maqpal dastıqlar menen tolǵan (Ó.Xojaniyazov).
3. Bunnan bılay, endigiden bılay.
...bunday nárselerdi ekinshi qaytalama? — dep eskertip qoydı ol kisi (Q.Ayımbetov).