ELEK
Qaraqalpaqsha
at. 1. Hár túrli nárselerdi eleytuǵın tordan ielengen nárse, elgezer, elewish.
Elektiń mayda kózli tesiklerinen túsken superfosfattı óz aldına bólek qoydı (Q.Dosanov).
Búlk-búlk etip búlkildep tur, un zavodtıń elegi (J.Aymurzaev).
2. awıs. Sınnan ótkeriw, kózden ótkeriw, saylaw, iriklew.
Kóp jıllar ilgeri bolǵan waqıyalardı oy eleginen ótkize basladı (Q.Ayımbetov).
Qatarıńdı sınap elekke elep, Haqıyqıy is shının kórset palwan qız (J.Aymurzaev).
0 Aspan elegi — awıs. Kúnniń sebelep jawa baslawı, jawınnın, burshaqtıń sebelewi, kúnniń quyıwı.
Sońınan aspan elegi shashıratıp sebeley baslaǵan burshaq betime sabalap kem-kem údey basladı (K.Smamutov).