ERKEK
Qaraqalpaqsha
at. 1. Er jınıslı adam, kisi.
... bizlerdiń aldımızdan tórt erkek adam ushırastı,... (Q.Ayımbetov).
2. Kúyew, bay, jubay, qostar, juptı.
Erkegi ashıwlansa hayalı basıladı, hayalı ashıwlansa erkegi basıladı, — degen turmıstıń burınnan kiyatırǵan dástúri ǵoy, — dep kúlisti olar (Q.Ayımbetov).
3. Haywanatlardıń janlı-janıwarlardıń hám de jánliklerdiń tuqım shashatuǵın er jınıslıları.... fermadaǵı barlıq erkek qozılardan urǵashı qozılardı óz aldına ayırdı,... (J.Seytnazarov).
Erkek geshir — geshirdiń qattı bolıp taramısqa aynalǵan túri.
...atızdaǵı erkek geshirlerdi julıp tasladım, — dedi kempir (Q.Aralbaev).
Erkek dawıslı — xayaldıń dawısınıń erkek adamnıń dawısına usawı, iri dawıslı xayal-qızlardıń dawısı.
Erkek dawıslı, túr-túsi suwıq xayal (A.Bekimbetov).
Erkekke taylas — xayaldıń erkek adamǵa teń, barabar ekenligi, tay keliwi.
... Sápiwranın erkekke taylas mártligi Izbandı bir qolı menen baylaǵan,... («EQ» g).