ERKIN
Qaraqalpaqsha
kel. 1. Óz biyligi, óz ıqtıyarı ózinde, darqandıqta, bostandıqta bolıwı.
Onıń ústinde quslar erkin, quwanıshlı sarqıp ushıp júr (Q.Ayımbetov).
Kele salıp bes qasqır, Erkin júrip shalıptı («Qırq qız»).
2. Jámiyetlik (pukaralıq) xuqıqı birdey.
Erkin sóylep, erkin jazıw degendi, Kórip bilip atırmız ǵoy biz endi (I.YUsupov).
3. Tıyım salınbaǵan, tosqınsız, irkinishsiz, darqan.
Nókiske tum-tustan kelgen qonaqlarǵa jańadan salınıp pitkerilgen «Tashkent» miymanxanasınıń esigi erkin ashıq («EQ» g).
0 Erkin miynet — jay-paraxat jumıs islew, jaynap-jasnap jumıs qılıw.
Súyemiz erkin miynetti, Miynette baxıt mol bizde (B.Qayıpnazarov).
Erkin dáuran — jaqsı turmıs keshiriw, paraxatshılıqga jasaw, bostanlıqga jasaw.
Qız-jawanlar erkin dáuran súrmedi, SHaǵlap kúlip, teńi menen júrmedi (Berdaq).