ESITIW
Qaraqalpaqsha
f. 1. Bir tısqarıdan shıqqan sesti qabıllaw, seziw, biliw, bayqaw.
Bir dúbirdi esitti, Qubla tárep tusında («Qırq qız»).
... uzaqtan shıqqan jigitlerdiń dawısın esitti (Ó.Ayjanov).
Sırttan attıń dúbiri esitildi (K.Sultanov).
2. Bolıp atırǵan, bolǵan, bolatuǵın xádiyseden, waqıyadan xabardar bolıw.
Qırq qızın jawǵa tayarlap, Esitip edik jatır dep («Qırq qız»).
Meniń esitiwim boyınsha siziń erteń Moskvaǵa jónep ketiwińiz tiyis qusaydı (A.Bekimbetov).
0 Esiter qulaq, kórer kóz — bir nárseni hám de hádiyseni esitiw xám kóz benen kórip-biliw.
Endi men esiter qulaqqa, kórer kózge sóz bolatuǵın jasırın ayna saklap júretuǵın xáldıń joldasıman (Ó.Ayjanov).
Tal-tal esitiliw — uzaqtaǵı shıqqan dawıstıń, sestiń áste, emeski keliwi.
Geybir eskadronlardan eski kazak jırların jırlaǵanlardıń sesti uzaqtan tal-tal esitildi (Q.Ayımbetov).