IYEK
Qaraqalpaqsha
at. Eki jaqtıń qosılısqan tómengi bólimi, bastıń awızdan tómengi bólimi.
Kemseńletip ǵarrılardın iyegin, «Posqan el»di tolǵap ótken Jiyenin (I.YUsupov).
On qolı menen iyegin otır edi tayanıp («Er Ziywar»).
Iyek qaǵıw — a) ımlaw, basın qıymıldatıw.
Sultan shashtárez maqsımǵa iyek qaqtı, b) hálsirew, boldırıw.
Iyek súyew — birewdin járdemin kútiw, arqa súyew, iseniw.
Kóńilden kúsegen lázzet, miynet kılmay tabılar ma? Birewge iyegin súyep awqat kórip jarılar ma? Qulan iyek — tań ata, tań saz bergende, awıs. Iyek artıw — birewdin járdemin kútiw, basqaǵa iseniw.
Aydos aǵasınıń birlikke kónbey, xanǵa iyek artqanına ókpeli inileri usılay biylikke aralastı (K.Sultanov).
Ol oligarxlarǵa biziń, ásirese, men qusaǵan, pensiyaǵa iyek tirep turǵan kimselerdiń bir tiyinǵa keregi joq (M.Nızanov).
Tań qulan iyek bolıp kiyatırǵan máhálde olar Qıran tawınщ basına órmeledi (T.Qayıpbergenov).
Gúreginiń sabına iyek tirep turıp sálem berdi (T.Qayıpbergenov).
Ósik saqallı betin betime basadı, iyekleri dirildep, mańdayımnan qayta-qayta súyedi (T.Qayıpbergenov).