KELISTIRIW
Qaraqalpaqsha
f. 1. Bir mámilege keltiriw, jarastırıw, mawasalastırıw, tatıwlastırıw, doslastırıw.
... bular arasındaǵı daw-jánjeldi kelistiriwdi maqul dep taptı (A.Bekimbetov).
2. Bejeriw, qatırıw, baplaw, sazlaw.
Tósinen pıshaqtı saldı, Kelistirip qaq jardı («Máspatsha»).
0 Kelistirip sóylew — sózdi júyesine keltirip aytıw, qatırıp aytıw.
Bul sorawlarǵa belgisiz jigit juwqıldap sóylep, ótirik sózlerdi túydeklep kelistirip sóylep juwap berip otırdı (Q.Ayımbetov).
Isti kelistiriw — bir jumıstı bejeriw, orınlaw, ornına keltiriw.
Keler me eken bizge Murat, Kelistirip isti kurap (Berdaq).
Kelistirip urıw — sabaw, sazlaw.
Men mollanıń jumalıqsız barǵan balalardı uratuǵının esime túsirip meni de bul saparı kelistirip uradı dep oyladım (Á.SHamuratov).