KIRIW
Qaraqalpaqsha
f. 1. Bir jerge barıw, keliw.
Allabergen meni ertip úyge kirdi (J.Aymurzaev).
Sol waqıtta qabıl etiw kabinetinde otırǵan Ayzada kirip keldi (T.Nájimov).
2. Belgili bir jerge, orınǵa, jumısqa, oqıw orınlarına ornalasıw.
... usı aldımızdaǵı jazda instituttıń ózine kirip oqıyman (T.Nájimov).
3. Siniw, suǵılıw, batıw.
... 0 Qumǵa kiriw — batıw, siniw.
Hár basqanda ayaqlar, Dizden qumǵa kiredi (T.Ábdiraman).
Zil kiriw — awırlıq basıw, suwıkdıq kiriw.
Tamırına zil kirgen on altı ulın, Óltirmey oqıtıp shıǵarǵan tilin (A.Dabılov).
Tiken kiriw — suǵılıw.
Hátte, tabanına tiken kirgeninede qayılshılıǵı joq (Ó.Xojaniyazov).
SHıray kiriw — kórkemleniw, shıraylanıw.
Burınǵı quw dalalarǵa shıray kirdi (Q.Ayımbetov).
Esine kiriw — oyına túsiw, oyına keliw.
Basqa sóz esime kirip, orınsız kúle de berippen (Ó.Ayjanov).
Esi kiriw — eseyiw, aqıllanıw, aqılına keliw.
Állen waqıtlar ótkennen keyin esi kirgen (J.Aymurzaev).
Qurǵa kiriw — kópshiliktiń jıynalǵan jerine barıw, aralasıw.
... keńse aldındaǵı topar-topar qurǵa kirdik (Ó.Xojaniyazov).