KISIDEY
Qaraqalpaqsha
kel. Adamday, adam sıyaqdı, adamǵa usaǵan.
Qolın jalap, bir nárse aytqısı kelgen kisidey tumsıǵın sozadı (Ó.Ayjanov).
0 Kekli kisidey — ashıwı barday adam.
Sáule boyın tiklep kekli kisidey kókiregin kerip sóyledi (S.Xojaniyazov).
Jin urǵan kisidey — jinli adamday, jinli sıyaqlı.
Bir máxálde molla ózinen-ózi jin urǵan kisidey burınǵısınan da beter dawısın qattıraq shıǵardı,... (Á.SHamuratov).
Sezikli kisidey — gúnalı adamday.
Krovattıń ústinde shalkasına jatırǵan Ámet sezikli kisidey hawlıǵıp ketti (T.Qayıpbergenov).