KÚL II
Qaraqalpaqsha
f. 1. Adamnıń kewilinin kóterińki bolıwı, shadlanıw, quwanıw.
Sen kúl, bizler xoshemetin jetkeremiz,.. (Ó.Ayjanov).
O Ashshı kúlki — ótkir názer, basqasha qaras.
«Endi aldım» desem, qadalar kózime, Usı bir mırs etken ashshı kúlkisi (I.YUsupov).
Kúlip-oynaw — kewilli bolıw, shadlanıw.
Kúlip-oynap túsime bir en, Toyıp-toyıp qarayın, yarım (I.YUsupov).
Kúndey kúliw — jaynap-jasnaw, jasarıw, ráhátleniw.
Kel, kel, kúndey kúlgen, ay júzlim, meniń, Keń dalada júrip sır aytısayıq! (I.YUsupov).
Kúlki bolıw — masqara bolıw, mazaq bolıw, uyatqa qalıw.
Qalarman ba usı jerde, Elge kúlki bolǵan basım (Berdaq).
Kúlki etiw — maskara etiw, mazaq qılıw, kemsitiw, mensinbew, kózge ilmew.
Malı joqtı ettiń ósek, Kúlki qıldıń bizdi, dáwran (Berdaq).
Kúlki bolıw — Sózge qalıw, ósek bolıw.
Sayıp-sayıp sırtınan, Kúlme adamnıń artınan.
(I.YUsupov).
Jurt kúler, jurt kúlip júrer — saqlanıw ushın aytıladı, adamlar aldında kúlkige qalaman dep oylaw, gáp-sóz, ósekten.
Ashayın, qolımdı jiber, Qoltıqlamay-aq qoy, jurt kúlip júrer, (I.YUsupov).