KÓSHKI
Qaraqalpaqsha
at. 1. Qayıqlardı, kemelerdi, paroxodlardı suwda irkiw ushın taslap qoyılatuǵın úsh tisli temir.
Suwsız balıqshınıń isi patırat, Kemesi kóshkisiz ketip qalǵanday (I.YUsupov).
2. Dem alıw ushın iyelengen biyik orın, saray.
Bayaǵı kelgen jerine kelip joqarı kóshkiden kózin ayırmay qarap tura beredi (qq.x.e.).
Qasına qızlardı ertip hár kúni sayranlap, óziniń baǵında joqarıda tiklenip qoyılǵan kóshkisine shıǵıp, átirapqa kóz taslaydı (qq.x.e.).
3. Tas, topıraq, qar hám t.b.
tawdan kóship, wırap túsetuǵın uyımı.KÓSHPE at. Bir orınnan ekinshi orınǵa ıǵıtuǵın, jılısatuǵın, ısırılatuǵın nárse, qum, muz, ishindegi ár túrli shópler, tomarlar, qopa.
Tomar ma, kóshpe me, áytewir bir nárse albaslıday jabısıp jazdırar emes (K.Sultanov).
0 Kóshpe qum — bir jerden ekinshi jerge samaldıń eswi menen ushıp, jılısıp shoqalaq-shoqalaq bolıp jıljıytuǵın qum, shege.
...bizlerdin aldımızdan kóshpe qumlar da ushırastı (Q.Aralbaev).