MEYIL
Qaraqalpaqsha
at. 1. Íńǵay, erk, baǵıt.
Bul waqıtta tań atıwǵa meyil berip, kúnshıǵardıń juldızları serpile baslaǵan edi (T.Qayıpbergenov).
2. SHama, baǵdar, kórinis.
Ákem illádep awzın ashqan joq, tek iyegi kemseńdep jılamsırawǵa meyil berdi (Ó.Xojaniyazov).
3. Íqlas, kewli.
Meyil almaw — qálemew, qabıllamaw.
Meyil almaǵan kewildi azǵırıwǵa, buzıwǵa, umtılıp, qashanǵa shekem júrer ekenseń (Á.SHamuratov).