OKEAN
Qaraqalpaqsha
(grek, okeanos — jerdi aylanıp aǵatuǵın ázim dárya < Okeanos — grek mifologiyasında: suw apatı qudayı ataması).
at. Jer júzindegi barlıq materik hám atawlardı qorshap turǵan, olardıń arasın tutastırıwshı úlken suw bólegi hám olardıń xár biri.
Kóktegi Ayǵa qonıp, okeandı gezip, Biz tayarmız Watan-ana Marsqa ush deseniz (K.Sultanov).
SHet eldegi bawırlarǵa, doslarǵa, Okean, teńizlerden asıp bar (J.Aymurzaev).
Okeannıń arjaǵınan, alıstan, SHaqırıwsız kelgen káwipli miymanday, ... (I.YUsupov).
Balıqshılarǵa qolaylı sharayat tuwdırıw ushın okeannıń astınan atawlardı tartıp algan, Mawı (T.Qayıpbergenov).
Okean qı waqta suwǵa tolmaydı, Arqa Muz okeanın toltırajaqpısań? (M.Seytniyazov).
Okeanda ılay suw menen tınıq suwdıń bir-birine qosılmay turǵanınday, dramaturg penen rejissyor hesh waqıtta til tabısqan emes (M.Nızanov).