OMÍRAW
Qaraqalpaqsha
at. 1. Kókirek, óńmen, kókirek aldı.
Dáryabay omırawı menen qaǵıp iyin tiresken adamlardı keyin ıǵıstırdı (N.Bórekeshov).
Alma kóz jilwadar kelisken sıyaq, Sawrısı, omırawı múnásip tuyaq, Barmaǵı, júrmege kelisken ayaq, At saylasań turqın, táni jasın kór (Q.Irmanov).
Ásirese, Orazbay attıń ayaqların, omırawın jıllı suw menen juwıwdı tapsırdı (Á.Paxratdinov).
Omırawı keń, uzın nıq ayaqlarına awır doynaqlar quyıp qoyǵanday (K.Kárimov).
2. Abıray, hújdan, jedel.
3. Batır, er.
0 Omırawına alıw — dákki beriw, qısım etiw, bejeriw.
Aldındaǵı 300 malǵa iye bola almay dep, Kóksheniń omırawınan alıp, hasa menen aylandırıp sarta-sart sabap ketti (jurnaldan).
Omırawdan kóbik shashıw — terlew, tershiw.
Bedewdey qurıqtan qashqan, omırawdan kóbik shashqan (I.YUsupov).
Májilis stolına omıraw atsańız, Zal baladay qulaq túredi sizge (I.YUsupov).