ORAMAL
Qaraqalpaqsha
at. 1. Basqa tartılatın sharshı, oraypektiń kishisi.
Qodırarı menen basına oramalınıń shashaǵın jinap túyistirdi (A.Bekimbetov).
— Oramal ákelińler! Qara reńdi jibek oramal ákelindi (K.Járimov).
2. Bir nárseni oraytın túyetin arnawlı zat.
Oramal túydi, qoy soydı, Dushpanlardıń kózin oydı, Gúlzar dep qızǵa at qoydı, Hámmesi jinalǵan eken (Berdaq).
Jatpasa qırshılanǵan jerinen tırnaǵı menen qurttay qoparıp aladı da, oramalına túyip alıp ketedi (M.Nızanov).
3. Qol súrtiwge arnalǵan kishkene sharshı.
— Qabaǵın úyip, oramalı menen betiniń terin sıpırıp jiberdi daǵı maǵan qaray jekirindi (Á.SHamuratov).
Ol úyde otırǵan adamlardan ishki sırın jasırıwǵa háreket etti hám kostyumınıń qaltasınan appaq oramalın aldı (T.Nájimov).
Tuflin aq oramal menen sıpırıp kóredi (M.Nızanov).