OŃLÍ
Qaraqalpaqsha
kel. Jón, jaqsı, durıs.
Jamanǵa dos bolsańız, Ótken iske quwanıp, Bir is ońlı bolmaydı («Er Ziywar»).
Qonaq qılıp hesh kútpedi, Bir ońlı xızmet etpedi, Bılamıq erkin jetpedi, Jarmanı az salgan eken (Berdaq).
— Qızım-aw, men seniń ońlı bolıwındı gózleymen (Ó.Xojanov).
Ústinde ońlı kóylegi de joq eken (M.Dáribaev).
Negedur túni menen ońlı uyqılay almadı, jazdıń qarıstay aqshamı oǵan dım sozılıp ketkendey boldı, kózi sál iliniwden ájeptáwir túsler kórip, uyqısı shayday ashılıp kete berdi (K.Raxmanov).
Tilemis kúni menen tıpırshılanıp ońlı kózgir ala almadı (K.Sultanov).