PAYÍT
Qaraqalpaqsha
r. 1. Ret, qolay, qayım.
Tapqan haqıyqatların payıtı kelgen sayın áste-áste oyǵa shıǵarıp, iske ornata basladı (S.Májitov).
Bir kúni payıtı kelip, sol awıldıń jigit-qızları menen ǵeshtekke qatnastı (T.Qayıpbergenov).
2. Waqıt, mezgil.
Báhár payıtın kópke xabarlap, Mektebinde jelbireter flag, Oynar páshek gúlin sıǵalap qozıshaq, ılaq (T.Seytjanov).
Iyt qansha úlken hám kúshli bolǵanı menen, óz jawı pıshıqqa jetken waqıtlarında basqa ilajı qalmaǵan pıshıq júnlerin úrpeytip, pıshıqqa qarsı qarap turıp qalǵan payıtta oǵan iyt xesh ilaj ete almaydı (A.Sadıqov).
Bul payıtlarda Qulımbet bolıs bazardan ózi túsken sharbaqqa qaytqan edi (K.Kárimov).
Pesin payıtında bunnan eki-úsh kún burın qozǵalań bolıp ótken Tallıq ózeginiń boyında irkilgen atlılar úsh toparǵa bólindi (K.Kárimov).