PISIW I
Qaraqalpaqsha
f. 1. Jelinetuǵın, ishiletuǵın zattıń qaynatılıw jewge tayın bolıwı.
Oǵan chay qaynatıp aldına nan, konfet, pisken máyek qoydım (A.Bekimbetov).
Qazanda jarma pisip tur (K.Ayımbetov).
Tamaq pisti, kele qoyıń! — degen dawıs esitildi (Á.Atajanov).
2. Miywe yaki basqa ósimliklerdiń ósip jetilisip zúráótiniń jıynalatuǵın xalǵa keliwi, quwrawı, kebiwi, pisken halatqa jetiwi.
Qońırat jaklarında da hár jılı talay jerlerdi suw alıp ketedi, pisip turǵan eginler suw astına ketedi (Q.Ermanov).
3. awıs. Jetiliw, kámalına keliw, shınıǵıw.
Bir kúni Ketenler xannıń erjetip pisip otırǵan sulıw qızı menen tanısadı (Q.Ayımbetov).
0 Pırqına pisiw — islep qıynalıw, sharshaw, boldırıw.
Pırqına pisip qara ter bolǵan ekenmen (J.Aymurzaev).
Ası pispew — awıs. qızǵanıw, qıynalıw, búrisiw.
Bermestiń ası pispes, qazanı ottan túspes (qq.x.n.).
Ishi pisiw — jalıǵıw, zerigiw.
Bir kúni úyde otırıp ishim pisip ketti (Ó.Ayjanov).
Torlap pisiw — a) palız eginleriniń torlap pisiwi.
Olar há demey torlap pisken úlken tórt qabaqtı kóterip qayttı (A.Bekimbetov).
b) awıs. adamlardıń shınıǵıwı, kónligiwi.
Ílay pisiw — ılaydıń basqılanıp, iylenip paydalanıwǵa tayın bolıwi.
Ílayı jaman pisti me, kuyǵan gúzeńniń, hey gúlal, Ne ushın sındırasań bir islegennen keyin (I.YUsupov).
Dáslepki ılay saqqızday jup-jumsaq bolıp pisti (Á.Atajanov).
Egin pisik — eginlerdiń pisken waqıtı.
Egin pisik kúnleri atız-shellerdi araladı (Q.Ayımbetov).
Kúyip-pisiw — qıynalıw, shıja-pıja bolıw.