PUQARA
Qaraqalpaqsha
at. 1. Jaydarı xalıq.
— Sóytip, «patshadan hámir bolsa, puqaraǵa ne turıs», biziń qárekeńler at deǵen soń shıdatsın ba, súwret-púwretine qaramay, pıtırlatıp atıp taslaptı (M.Nızanov).
Duman bastı aspan, jerdi, Puqaraǵa jaz keler me? (Berdaq).
2. Bir mámleketke qaraslı xalıq.
Ernazar atalıq Xiywa jaǵında, Aldap puqarasın qırǵan yaranlar (S.Nurımbetov).
Olar Kiev Rusı knyazliginiń puqaraları esaplanıp, rus láshkerleri menen birgelikte xár qıylı sırtqı jawlarǵa qarsı urısqa qatnasıp turǵan (T.Qayıpbergenov).
Bul ańızdıń aytılıwına qaraǵanda xan óz puqaraların kórmekshi bolıp, el aralap júrgende, bir úyge kire bergen jerinde bir xayal otawdın ishinde turıp: «Xan da bolsań kelsaptı alıp kel», — dep aytqan (K.Mámbetov).