PÍSQÍW
Qaraqalpaqsha
f. 1. SHala janıw, tútew, sasıw.
Ol pısqıy beredi, pısqıy beredi, eń aqırında adamnıń kózin ashtırmay taslaydı (T.Qayıpbergenov).
Pısqıp ǵana janadı, oshaqtıń qolamtası (I.YUsupov).
Endi bul jerdiń bári tútinlik salınǵanday pısqıp turıptı (K.Mámbetov).
Gewgim qarańǵılıǵın jaqtırtqan ushqınlar pısqıǵan tútinge aralasıp aspanda «júrip» sónedi (T.Qayıpbergenov).
Pısqıp atırǵan tútindi kórip juwırıp-aq keldi (T.Qayıpbergenov).
Órtten keyingi qap-qara túbirlerdin pısqıwın qan tamshıları óshirip jattı (T.Qayıpbergenov).
2. awıs. Kúyiw, qıynalıw.
Ishi-bawırı dárt qayǵısı menen pısqıp jılaǵım keldi (Ó.Xojaniyazov).