PÁM
Qaraqalpaqsha
at. 1. Aqıl, sezim, oy, mazmun, máni, túsinik, es.
Jaqsınıń pám áyle sóylegen sózden, Jamannıń parqı kóp qas penen kózden (Ájiniyaz).
Kesh pesinde oyanıp kózin ashtı da, taw ústinde álle kimlerdiń tasqa shaq-shuq balǵa urıp atırǵanın esitip, quwǵınshılar qamalaǵan eken degen pám menen ushıp-aq túrgeldi (T.Qayıpbergenov).
2. Belgili dárejedegi shama, xal, hal-quwat.
0 Pámi alısıw — túsiniw, biliw, anlaw.
SHaması qaysı Muxammed ekenligine pámi alıspaǵanday (K.Mámbetov).
Jasım sennen enepattay úlken bolsa da, kóp nárselerge sonsheli pámim alıspaytuǵının endi uqtım (T.Qayıpbergenov).
Kóp nársege pámim alısadı (T.Qayıpbergenov).