SAWǴA
Qaraqalpaqsha
at. 1. Sıy, sıylıq, sıbaǵa.
Gúlzada, Mátenniń saǵan alıp kelgen sawǵası shıǵar, qabıl et (Á.SHamuratov).
Aydos burınları elden ákelgen sawǵasınan onı da bir pay etip, sıylaytuǵın edi (K.Sultanov).
Ámirime bir qız sawǵa etpeseńiz, meni darǵa giriptar etesiz (T.Qayıpbergenov).
Bul qosıqtı jumısta kishigirim bayramlarda aytıp, sawǵalar da alǵanman (M.Nızanov).
2. awıs. Olja, dáwlet.
Janıń sawǵa qurımsaq, Qayt keynińe janıń ózinde turǵanda («Alpamıs»).
Ǵıjımı moyın tıǵılıp, Bas jatır jan sawǵalap, Satqıń quyrıq qubılıp, Sırtta jatır «mında»lap (I.YUsupov).
Qızdıń aldına túsip, óz basımdı sawǵalap kiyatırǵanıma xújdan azabı qıynap keler edi meni (M.Nızanov).
Janıńdı sawǵa etip bereyik, — dep kúlisedi qaraqshılar (K.Kárimov).