SAYRAQ
Qaraqalpaqsha
f. 1. Quslardıń jaǵımlı hawaz shıǵarıwı.
Búlbildiń tiykarǵı kásibi — sayraw, Onıń úninde bar sırlı qaytalaw, Qosıǵımdı bir ret men qaytalasam, — O, búlbil, ne ushın jurt kúler maǵan? (I.YUsupov).
Sayrawdan ózge qayǵısı joq (K.Kórimov).
2. awıs. Tınbay sóylew, bılshıldaw.
Kewlindegi tabılıp, búlbildey tili sayradı («Máspatsha»).
Sergey bir stakan vinonı simirip iship, azıraqtan keyin nemisler menen qalay urısqanın sayrap ketedi (M.Nızanov).
3. awıs. SHeberlep qosıq aytıw.
Qosıq aytıp quwanıp, shadlıq penen sayradıq (J.Aymurzaev).
4. awıs. Is-hárekettin, waqıyanıń baǵdarın biliw, túsiniw.
Házirshe kókiregim sayrap tur (M.Nızanov).
Kókiregim usılay sayrap, túrgelip kete jazladım (T.Qayıpbergenov).