SALÍSTÍRÍW
Qaraqalpaqsha
f. 1. Bir neshe nárselerdiń bir-birinen parqın anǵarıw, biliw.
Eki ómirdi salıstırıp jırlaw — Abbazdıń ulıwma shayırlıq usılı (G.Esemuratov).
Salıstırıp kórse mal nırqı Buxara bazarı menen salıstırǵanda ádewir arzanday kórindi (K.Kárimov).
2. Tayarlaw, tayın etiw.
Tezirek tósek salıstırıń dep hayallardı qıstastıradı (K.Sultanov).
3. Bir nárseni ekinshisine ornalastırıw, salıw.
Qazandaǵı sháwleni tabaqqa salıstırıp atırǵan kelini abısınınıń bul pinxamı sózin qashshan-aq sezip edi (K.Sultanov).