SARSAŃ
Qaraqalpaqsha
at. (p.
— bastaǵı isik, miy aylanıw, meningit).
óz jolın taba almaǵan, adaskan, xayran, áwere.
Bolar isti biledi, Jekkeliktiń sarsańı («Máspatsha»), Dostına kapa bolǵan Tóresh sarsańlıqta Jumabaydıń qarası semgenshe dáryanıń jaǵasında qalshıyıp tur... (K.Sultanov).
— Nabada ǵawǵa baslansa, yabı urıwı tayarlıqsız qalmasın, — dedi de, úyine kelip, miyin sarsań qılǵan hár qıylı oylar menen erteńine túske deyin-aq uyıqlay almay, jatırǵanında, Qońırat urıwınan Aytuwǵan jasawıl kelip, dawrıq turǵızdı (T.Qayıpbergenov).
Nóziypa eki oydıń ortasında sarsań boldı (K.Kárimov).
Kullası, usı gúrjiniń áwere-sarsańınan úsh ay tınıshım buzıldı (M.Nızanov).
0 Sarsań kesek — a) aqılınan, esinen ayırılıw, áweresi shıǵıw.
Mine, kárip otırsań, eńbeklegen baladan eńkeygen ǵarrıǵa shekem qansha sarsań kesek boldı (K.Sultanov).
b) adamlarǵa, xalıqqa kesekletip urdırıw.
— Marapatqa toyınıp óz xalqınıń arın satqan bunday shóje qorazdı sarsań kesek qılıp óltiriw kerek, — dedi shayıq (T.Qayıpbergenov).