SARÍ
Qaraqalpaqsha
kel. altınǵa usaǵan tús, reń.
Ayaǵında sarı teletiń tufli (T.Qayıpbergenov).
Eńgezerdey iri deneli, kustıń párindey qıyaq murtı bar, shiykil sarı jigittiń bul túnergenin hár kim hár nársege joradı (K.Sultanov).
0 Awzınıń sarısı ketpegen — jas, gódek.
— Awzıńnan sarısı ketpegen palapan túsinbeysen (T.Qayıpbergenov).
Sarı altın — sazan yamasa balıq.
«Qáne, alıp jiberiń, qáne, bolaǵoyıń, bul balıq emes, sarı altın ǵoy, sorpasına bir toysań, sharshaǵanıń umıt boladı» dep jedel kuwat beredi (K.Sultanov).
Baǵ-baqshalar sırǵıp ırǵalǵan jerler, «Aq altın», «sarı altın» nurlaǵan jerler, Búgin kórseń, qırda qalǵan balıqtay, Qarabaraq shıǵıp, sorlaǵan jerler (I.YUsupov).
Sarı awız — jas, gódek, náreste.
Jetim qalǵan sarı awız palapan, Qaydan sezsin ne ekenin alaqan? «Eger túsip ketsem, juwap bereseń!», Dep ele shúykildep turǵanday maǵan... (I.YUsupov).
Sarı ayaz — aqırayan suwıq, tábiyat qubılısı.
Saqıldaǵan sarı ayazlı yanvar, Betlemegen oǵan janlı janıwar, Muz ulasıp, Qıraw shashıp, Qar basıp, Qır dógerek zorǵa kózge shalınar (I.YUsupov).
Sarı qayǵı — uwayım, xásiret, qapashılıq.
Usılay sarı qayǵıda sarsılıp júrgen Sáliymanıń birden alaǵadası basıla qaldı (K.Sultanov).
Sarı qarın — orta jastan ótken, úlkeygen, kempir hayal.
Erkeklerdiń atın kempir sarı qarın qatın sen aytqanda keshe túsken kelinler ne demeydi (K.Sultanov).
Sarı uwayım — qayǵı, xásiret, qapashılıq.
— Kelinjan, - dedi bir kúni enesi, — sarı uwayımǵa sarsılıp ólerseń (K.Sultanov).