SARQÍRAW
Qaraqalpaqsha
f. Ses shıǵarıp qattı aǵıw.
Sarqıradı kanallardıń saǵası, Kók jayıldı Ámiwdárya jaǵası (T.Seytjanov).
Eki jaǵasın jalap sarlap aqqan aǵıs geyde qaynawıtlap, geyde jılanday iyrim tartıp, gá sızılıp, gá sarqırap burqasınlay ma, áytewir bir shıǵanaqtı aylanaman deǵenshe júz kubılıp, mıń muqamǵa dónedi (K.Sultanov).
Sende sarqırawı kúshli aǵıslardıń, Sennen juwsan iyisi tanawǵa urar, Sende naw qaraǵay nar qamıslardıń, Million sıbızǵınıń sıldırlısı bar (I.YUsupov).