SATÍW
Qaraqalpaqsha
f. 1. Zattı pulǵa almastırıw, zattı pulǵa beriw.
Ol qalaǵa barsa, aldı menen kitap satıp alıp keledi (J.Aymurzaev).
Egin-pegindi jıynaǵan soń bazarǵa barıp ǵálle-pálle sataman ba dep otırman (K.Sultanov).
Teatrlar anshlagtan, Sileleri qatar edi, Dotatsiya soramastan, Tınbay bilet satar edi (I.YUsupov).
Erteń dónimdi satıp bolıp, toǵız teńgendi qolıńa quwıstıraman (K.Kárimov).
2. awıs. Satqınlıq etiw, dushpanlıq islew, qıyanet etiw.
Sen de bir ómir tentegi, Íshqını satqan qara biy (T.Seytjanov).
Bul tariyxta eń bir sınalǵan tásil, Barlıq waqta mártti námártler satar, Aǵayindi azǵırǵanda Ázázúl, Bet aldınnan emes, arqańnan atar... (I.YUsupov).