SELDIR
Qaraqalpaqsha
kel. Siyrek, alaǵat.
Menmen bolma Pirimbayday, Kudayım etpesin onday, Seldir bolıp seńseń tonday, Sılbırap hám júrme, balam (Berdaq).
Kim eken ol, jol baslawshı bul kisi, Nege oynar bet-awzında kúlkisi? Orta boylı, seldir saqal, qızıl júz, Birewlerge... usap tur ǵoy túr-túsi (I.YUsupov).
Ajarı qara páráń, seldir saqallı, murtın suwpınamay etip, eki urtına qoyǵan, kelbetli adam (K.Sultanov).
— Házir sonısı durıs, — dep Amanlıq ósik seldir murtların sıypap, selk-selk kúldi (T.Qayıpbergenov).
«Senin ákeń tap ana Amangúldiń kisisine usaǵan, at jaklı, seldir saqallı, sımbatlı kisi edi» dep táriyiplep berer edi apam (M.Nızanov).