SOPAQ
Qaraqalpaqsha
kel. Uzınsha, súyir, sorrıyǵan.
Otırsań bolarsań opaq, Tursań bolarsań sop-sopaq, Kúnler qayda apaq-shapaq? Áwere bolǵan ómirim (Berdaq).
Sobırayǵan sopaq boyı bar, Oylaǵan buzıq oyı bar (Átesh).
Awıl arasında júrse birewler onı ájiwalap, sırtınan kúlip turǵanday sıqaqlaǵanday, jabıqgan sıǵalap álle kim ermeklegendey — qullası, xámme onı «otırsa opaq, tursa sopaq» etip masqaralap turǵanday óz-ózinen qısıladı, sırtka shıqsa kewil jabıǵıp, eńsesi túsedi, otırsa oy shırmawıǵına oratıladı (K.Sultanov).