SOǴÍW
Qaraqalpaqsha
f. 1. Dúzetiw, islew, jasaw.
Ot-shóp orıw, qora soǵıw jumısı da usılardıń moynıńda edi (K.Sultanov).
Jaz bolsa tóbesine qos soǵıp, geyde dem alıwǵa da boladı (T.Qayıpbergenov).
Skulptor bolǵanda men, Qara tawǵa shıǵar edim, Ayaz qalanıń mármerinen, Súwretińdi soǵar edim (I.YUsupov).
Aqırı, «sendey dostı ılańdan soǵıp alǵanım jaqsı» dep telefonın óshirdi (M.Nızanov).
2. Urıw, kıymıldaw, háreket etiw.
Júregi dúrs-dúrs soǵa basladı (Ó.Ayjanov).
Tamırlarınıń soǵıwı etimdi qızdırıp baratırǵan sıyaqlı (Ó.Xojaniyazov).
Apalaqlaǵan kewiller haplıǵıp, júrekleri sháwkildep soǵadı (K.Sultanov).
Ibrayım der: janım qurban, Doslıq dese hallas urǵan, Seniń ushın soǵıp turǵan, Gewdemde bir júregim bar (I.YUsupov).
Uaqıt jaqındaǵan sayın adamlarda júrek aqırın soǵadı (T.Qayıpbergenov).
Normal júrek minutına 72-76 soǵıwı kerek (M.Nızanov).
3. Tiyiw, dúgiw.
Dáryaǵa názer salsa, qáhárli tolqın «tuńǵıyıq tereńge batırıp jiberemen», — degendey áwpildep jarǵa soǵıp aybat etedi (K.Sultanov).
Teńiz gúwlep soqqanda qırǵa, Tas ústinde jalǵız qız kórsem (I.YUsupov).
4. Toqtaw, ushırasıw, jolıǵıw.
5. Aytıw, qoyıp salıw.
— Ne, Qosıbay soǵıp otırǵanıń? Házir salǵırttan bas tartıwshılar darǵa asılıp atır (K.Sultanov).
0 Barıp soǵıw — jetiw, aparıw, nátiyje beriw.
Ol keshegi sózdiń aqıbeti nelerge barıp soǵatıǵınına ele túsinbedi (J.Aymurzaev).
Pátiya soǵıw — pátiya islew.
Axmet azıǵın soń barıp, pátiya soqtı qol jayıp («YUsip-Axmet»).
Júrek soǵıw — tartıw, jaqın kóriw.
Meniń ózim atızda júrgen menen júregim aǵań bette soǵadı (Ó.Xojaniyazov).
Meyli soǵıw — beyimlesiw, sol ishti islewge háreket etiw.
Endi ózinshe jańadan qosıq qurastırıwǵa meyli soǵıp tur (K.Sultanov).
Awır soǵıw — qıyın bolıw, azan bolıw.
Jıldan-jılǵa kolxozdıń malları ósip sawın sıyırlardı baǵıw bir padashıǵa awır soǵatıǵını bolıp qalǵanlıqtan, Nurjan ǵarrı sol jılı ferma baslıǵı menen sóylesip, qızı ushın arnawlı Aqboz degen at sorap, onı ózine járdemshi padashı etip aldı (T.Qayıpbergenov).