STANTSIYA
Qaraqalpaqsha
at. 1. Temir jol boyında poezd basqa da transportlardıń toqtaytuǵın ornı.
Jaǵıstan shıǵıp, stantsiyaǵa shekem uzın-quyın shawıp otırǵan attıń teri tirsegine tamshıladı (K.Kárimov).
Stantsiyada bıǵan-jıǵan adam (M.Nızanov).
2. Bir aymaqta arnawlı wazıypa alıp barıwshı, xızmet kórsetiwshi yamasa ilimiy-tekseriw jumısların alıp barıwshı mákeme.
— He, endi hawa rayon baqlaw stantsiyasına isenetuǵın boldıń ba? — dep záhárli kózlerin qadap, tunjırap turdı (K.Sultanov).
...Turdı kompressor stantsiyası, Dalanı qabınbas bastionınday, Márt shofyorlar qıya shóllerdi basıp, Kurılıs materialın tasıp júr tınbay (I.YUsupov).
3. Bortında ilimiy ásbap-úskeneleri bolǵan kosmoslıq apparat.