SÍYQÍ
Qaraqalpaqsha
at. Kelbet, túr, pishin, shıray.
Pári túsip qıyaǵınan, Sıyqı ketip sıyaǵınan, Tiken tırnap ayaǵınan, Qanatqanda qanı bolmas (Berdaq).
— Qarnı gebejedey, sıyqıń qurısın! (K.Sultanov).
Men sháhárge qalay baraman, ústim bolsa alım-jalım, adamlıq sıyqım joq (Q.Ayımbetov).
Tallar japıraq tókti, urıqlar quwrap, Tek te atqulaqlar jawdırasadı, Azan-ǵazan ala ǵarǵalar shuwlap, Aspan qumaytlanıp, sıyqı qashadı (I.YUsupov).
Soǵan shekem tiliń sınıp, dárwazamanlardıń tilinde sóyleytuǵın bolasań, olarǵa túyinshik awıstırasań, bolmasa, mına sıyqıń menen sarayǵa kiremen dep dámelenbe (T.Qayıpbergenov).
Házirgi sıyqına qarap turǵan adam bul kisiniń keshegi kúni sonday bolǵanlıǵın aytsa inanbaytuǵını turǵan gáp (K.Kárimov).