SÍPÍRÍW
Qaraqalpaqsha
f. 1. Tazalaw, sharlaw, sıyırıw, artıw.
Patsha tandırdı kóriwge ketip baratırsa, bir kempir esiginiń aldın sıpırıp atır eken (qq.x.e.).
Suwdıń túbin sıpırıp kiyatırǵan aw tomarǵa ilinse, duzaqtan ayırılasań! (K.Sultanov).
Qańırap qalǵan saray sayalarında, Jattı SHól táńirisi sıpırıp terin, «Adam degen naysap, ástapuralla, Sezip júr eken ǵoy dúnyamdı meniń!» (I.YUsupov).
Mańlayınıń terin alaqan menen sıpırıp, appaq tislerin kórsetip kúlip tur (T.Qayıpbergenov).
Al, óziniń atı Asqar, — dep baqqal tar dúkánnıń hawası awırlasıp ketkenlikten tershigen mańlayın duwqat shapanınıń jeńi menen sıpırıp (K.Kárimov).
Divan krovattıń ústine taqlawı menen turǵan bet-qol sıpıratuǵın, ayaq súrtetuǵın, juwınatuǵın súlgi, kópshik qap, prostina hám odeyalo qaplardı tasladı (M.Nızanov).
2. Alıw, sıyırıw, sheship alıw.
Uradaǵı dánin, qoradaǵı malın sıpırıp aldıń (K.Sultanov).