SÍR
Qaraqalpaqsha
at. (a.
— jasırın nárse yamasa gáp, kewshi).
Ózgelerden jasırın tutılǵan is, gáp, zat, bilinbegen ishki xáreket (minez-qulıq).
Attıń sırı iyesine málim, qızdıń sırı tórkinine málim (naqıl).
Jamanlarǵa sırıńdı aytpa, Kelgen jerde sózden kaytpa, Dostındı xasla muńaytpa, Dushpanındı mata, balam.
(Berdaq).
Joq, tıńdańız, olay emes, basqasha, Dárya sırın men aytayın doslarım (Á.SHamuratov).
Endi qalay da sır bermewge tırıstı (SH.Seytov).
— Kimnen qorqasızlar? — dedi Menlimurat aga bizlerdiń sırımızǵa túsinip (T.Qayıpbergenov).
Jer — biz ushın ele mıńnan bir sırı ashılmaǵan planeta (M.Nızanov).
Tek biyshara Ólmesektiń bir ózine ǵana ayan pinhamı sır edi (K.Kárimov).
0 Sır minez — júdá tanıs, sırlas, qılıǵına tanıs, bilis.
Onıń menen jastan sır minez bolıp ósken (K.Sultanov).