SÍYA
Qaraqalpaqsha
at. (p.
— qara, qarańǵılıq).
Xat jazıwǵa arnalǵan boyaw, hár qıylı reńdegi suyıqlıq.
Sıyası daq túspegen taza sıya, Duwasın tapsań bolar dártke dawa (Ájiniyaz).
Tas dáwet góne bózden qaplanǵan, sıyası tarı dan bárin taslaǵan (S.Nurımbetov).
Miyizdey qara kóz, qar ústine tamǵan qara sıyaday, ǵaz omıraw tósi qayqayıp, úsh tallap órgen eki burım qara shashı atlas oraypek penen qoldan kógergen qızıl-ala gúldey ǵayrı naǵıslanıp tur (K.Sultanov).
Keleshekti úmit penen boljaǵan, Urıstan sońǵı jıllar edi ol zaman, Otsız jayda jazıwǵa qol juwıspay, Dáwetine quyǵan sıyań tońlaǵan (I.YUsupov).
Úyińe barıp qálem-qaǵaz, sıya sawıtındı sazlap otır (T.Qayıpbergenov).
Miynet dáptershesinde jumısqa alıw qaqqında sıya menen jazılǵan bir buyrıqtan basqa hesh nárse joq (M.Nızanov).