SÍǴÍW
Qaraqalpaqsha
f. Qısıw, buraw, tawlaw, suwdıń aǵızıw.
Eń qapıldı degende kóyleklerin suwǵa malıp, shala sıǵıp kiyedi (Ó.Xojaniyazov).
Analardıń aqsham jollarǵa shıǵıp, Bozlawları jasqa jawlıǵın sıǵıp, Qawıshpaǵan qushaq, jesir dastıǵı, Qarındastıń sınsıwları kamsıǵıp... (I.YUsupov).
Endi hár kúni anar tawıp kelip, sıǵıp suwın awzına tamızsam, jalmanıp jutadı hám bas iyzep alǵıslar bildiredi (T.Qayıpbergenov).
Ol jabaday qolları menen sharwanın qolın uslap alıp, sıǵıp jiberdi (K.Kárimov).
Kóylegim terden sıǵıp alǵanday bolıp úyge qayttım (M.Nızanov).