SÚYEK I
Qaraqalpaqsha
at. 1. Adamdardıń hám jandı-janıwarlardıń denesiniń negizgi qattı bólimi, dene skeleti.
Qaqshıyıp qıyınlıqqa tós keriwli, Bilmeydi qula dúzde seskeniwdi, Salmaǵı mısalı pil súyegindey, Súyemen shól perzenti seksewildi (I.YUsupov).
Atı da, ózi de sılınıp, súyeklerine taqalǵan (T.Qayıpbergenov).
2. Qarawydiń keregesi, korpusı.
Jańa otawınщ súyegi soǵılıp pitiwden kimi baw-shuw berdi, kimi kórpe-tósek berdi (T.Qayıpbergenov).
0 Eti súyegine taqalıw — azıw, arıqlaw.
— Usı qudaydan tapqırǵa tiygeli etim ketip súyegime taqaldı (M.Nızanov).
Súyegi qatıw — er jetiw, úlkeyiw.
Petr birinshiniń xúrmetine atı qoyılǵan kishi ulım Petrdiń súyegi qatıńqırasa, Voronej degen qalaǵa aparıp, aǵash ustalarına, yaǵnıy teńiz, okeanlarda júzetuǵın keme, korablder soǵıwshılarǵa shákirtlikke beremen (T.Qayıpbergenov).
Quw súyek — arıq.
Kekse diykan quw súyek qolı menen azǵana kuwırmash alıp hayalına uzattı (K.Kórimov).