SÚMBIL
Qaraqalpaqsha
at. (a.).
Lala gúlliler semyasına jatatuǵın uzın paqallı jabayı ósimlik xám onıń shoq bolıp ashılatuǵın shıraylı gúli.
Hawazında barday bulaq sıldırı, Maqpal jumsaqtıǵı, gúmis sıńǵırı, Kóz kózi kólge ımırt túskendey, Taldırmash boyında taldıń súmbili (I.YUsupov).
0 Súmbil shash — uzın bolıp ósken sulıw shash.
Sol kúnnen baslap aq tamaq, SHashı súmbil, yupqa dodaq, Quwanıshta bolıp quwnaq, Ayın, kúnin kútken eken (Berdaq).
Súmbil shash sáwer yar bolsa, jolımda ol intizar bolsa (A.Dabılov).
Jıllar óter... Jan joldasıńnıń, Súmbil shashın aralaydı aq, Perzent kórip, qálem qasınıń, Ájim basar átirapın, biraq (I.YUsupov).