SÚRGIN
Qaraqalpaqsha
at. 1. Eski dáwirlerde mámleketlik organlardıń qararı yamasa sud xúkimi menen jaza retinde basqa jerde jasaw ushın májbúriy túrde bir jerden ekinshi jerge kóshiriw, jer awdarıw, quwǵın.
Birińiz Bayronday erkektiń qısqısında, Kerip kóksińizdi taw boranına, Patsha súrgininde, zań qısqısında, Qansha jábir keldi Pushkin janına! (I.YUsupov).
Súrginge ketkenimde ózge birewge tiyip ketipti (K.Kárimov).
Mektepte oqıǵanbız, Taras SHevchenko Aral teńizi boyında súrginde bolǵan (M.Nızanov).
2. Awırmanlıq, qıyınshılıq, azap.
Sóytip, shıraqlarım, bıltırdan beri basımızǵa bir súrgin túse basladı (K.Sultanov).
Ana tilim, sen — basqadan ayırmam, Sen turǵanda men de ádewir shayırman, Sonsha qatal súrginlerde joǵalmay, Bul kúnlerge jetkenińe qayılman (I.YUsupov).