SÚller
Qaraqalpaqsha
at. 1. Kórinis, dene, forma.
Men jıynaqqa kelgende qurı suller edim (Q.Dosanov).
Qarsı aldındaǵı adamnıń sullerine bejireyip qarap turǵan Ajar: — SHúkir! — dep salqın pishinde juwap kaytardı (K.Sultanov).
YAbı menen Qońırat urıwının arasındaǵı bir jal biyikliktiń basında quwırshaqtay suller kórip, solay qayrıldı (T.Qayıpbergenov).
- Mınadan tawtaylaqtıń músinin islewimiz kerek, — dedi por menen sızılǵan súllerdi kórsetip (M.Nızanov).
Jandalbasada julqıngan súllerdiń erkekke kúshi jeter me edi (K.Kárimov).
2. Baǵdar, iz.
Qızdı artına mingestirip, keshegi joldıń súlleri menen jayıraq júrip kete bereseń (Q.Ayımbetov).
3. Eles, sáwle, saǵım.
Qádirdiń tek qıslawda adasıp qalǵan iyttey ǵana súlleri bar (K.Sultanov).
Atalı-balalı eki súllerdi Berkinbay muńlı názer menen gúzetip qaldı (K.Kárimov).
Kóz aldımda maǵan tabıt buyıratuǵın baslıqtıń súlleri elesledi (M.Nızanov).