SÓGIW I
Qaraqalpaqsha
f. Urısıw, keyiw, jaman sóz aytıw.
Bul zamanda jábiriw-japa sheǵermen, Qara kózden qanlı jaslar tógermen, Zalımlardı jábirip aytıp sógermen, Kúyǵenlikten jan qıynalar xalıq ushın (Berdaq).
Múshirip attıń aldındaǵı ǵarrını sógip, dawrıǵıp keldi (K.Sultanov).
Qáliyla atam bolıstıń adresine kóp ǵana jaman sózlerdi aytıp, sógiw menen boldı (J.Aymurzaev).
Dáwir, ayıplaysań meni nege sen? Biz — aqmaq, ózińdi aqıllı bilip, «Keshe qátelestiń» dep, búgin sógeseń, Jazalaysań hám de ústimnen kúlip (I.YUsupov).
Biziń xalıqta jasúlkenlerdiń jas kishilerdi sógiw ádeti de... (T.Qayıpbergenov).