TANÍQ I
Qaraqalpaqsha
f. 1. Birewdi umıtıp qalmay eske túsiriw, tanıs ekenin birden biliw, burınnan tanıs bolıw.
Gúlparshın Alpamıs ekenin birden tanıdı («Alpamıs»).
Ájiniyaz ekewin de tanıdı (K.Sultanov).
2. Bir zattı ajırata biliw, seziw, bayqaw.
Lizanıń kiyimi ekenin kóriwden-aq tanıy ketti (J.Aymurzaev).
Adamdı bir kórgennen-aq tanıwǵa boladı (M.Nızanov).
Men mektep sabakdıqlarında ukrain shayırı Taras SHevchenkonıń Aral boyına súrgin qılınǵanı, lekin, ol súrginde teńiz boyında jasap, sol átiraptaǵı xalıqlar menen doslasqanı, qaraqalpaqlar onı tutqın emes, bir qádirdan dos sıpatında tanıǵanı xaqqında kóp esitkenmen (M.Nızanov).
0 Ońı menen solın tanıw, oń qolı menen sol qolın tanıw — esi-aqılı kiriw, jaqsı-jamandı ayıratuǵın bolıw.
Esten tanıw — aqılınan adasıw, esi awıp qalıw.