TARÍLÍW
Qaraqalpaqsha
f. Belgili bir kenisliktiń, kiyimniń, zattıń kishireyiwi, tarayıwı.
Qurısın bul dúnya zaman tarıldı, Ǵápletten ǵoy júregimiz tarıldı (Omar).
Adamsız adam jasar ma, Jalǵızǵa dúnya tarılıp (I.YUsupov).
0 Tınısı tarılıw — ısılıw, entigiw, demigiw.
Awır dárt júregin kernep, ókpesin isirdi me, Áytewir, tınısı tarılǵanday siyrek xám tereń demin aladı (K.Sultanov).
Terisi tarılıw — peyili qashıw, niyeti buzılıw.
Zamanı tarılıw — órisi kemeyiw, qıyınshılıq bolıw.
Bul dúnya kurısın zaman tarıldı, Zardabınan qara jer qaq jarıldı (Ájiniyaz).
Peyili tarılıw — peyili qashıw, buzılıw.