TARQATÍW
Qaraqalpaqsha
tarqaw feyiliniń ózgelik dárejesi.
f. 1. Jıynalǵan adamdı qaytarıw, taratıw.
Bul oyın Serkebayǵa aytqısı kelip edi, xázir xámmeni tarqatıp jibergenin esitken soń pikirinen qayttı (T.Qayıpberǵenov).
Onı on bes rayonǵa tarqatıwım kerek (M.Nızanov).
2. Jipti yamasa toqılǵan zattı ıdıratıw, sótiw, jazıp jiberiw.
Órilgen-shashların tarqattı (J.Aymurzaev).
3. Janlı-janıwarlardı taratıw.
4. Ulıwma barlıq zatlardı daǵıtıw.
Qalǵan on úsh sebetti tarqatıwǵa jigirma altı adam jol mashınǵa shıǵıp kettik (M.Nızanov).
Lekin, diktordıń tarqatqan xabarı tóbemnen muzday suw kuyǵanday etti (M.Nızanov).