TAQAT
Qaraqalpaqsha
at. SHıdam, sabır, tózim.
Múbárek jamalın jáne kórsem dep, Taqatım qalmadı kórgennen beri (Ájiniyaz).
Kútti, kútti, shıdamadı taqatı (X.Seytov).
0 Taqatı bolmaw — shıdamı bolmaw, shıdamaw.
Aqıllas sırlasım áy gózzal yarım! Seni kórmegenshe taqatım bolmas (X.Seytov).
Taqat etiw — shıdam beriw, shıdaw.
Taqat etip tura almadım.
Kisendi úzip bara almadım (Berdaq).
SHayıq hesh jerde turıp, ya otırıp taqat ete almay, awıldıń arqasındaǵı keń jazıqlıqqa shıǵıp dem alıwǵa hám jekke júrip jol qarawǵa ketip baratırıp Amanlıqtıń úyiniń ústinen ótti (T.Qayıpbergenov).
Taqatı qalmaw — shıdamı bolmaw, shıdamaw.
Bayda endi taqat qalmadı (SH.Seytov).