TEZ I
Qaraqalpaqsha
r. Jıldam, dárriw, shaqqan.
Gúlaysha tez oqıp ótti de, Erbayǵa usındı (T.Qayıpbergenov).
Suwıqta tońıp turǵan shıǵar, bar Dáwlet tez ashıp kel. Dáwlettiń barıwınan qaytıwı tez boldı (M.Nızanov).
0 Tez boldırıw — ádemey sharshaw, harıw.
Albıraǵan tez boldırar, Qayǵıdan júzin soldırar, Awzındaǵısın aldırar (S.Májitov).
Tez erjetiw — boy jetiw, qamalǵa keliw.
Tez erjetip qamalıma, Salsań bir názer xalıma (A.Dabılov).
Tez járdem — baxıtsız hádisáler hám tosattan payda bolǵan keselliklerdi kóriwge arnalǵan, kúni-túni xızmet atqaratuǵın meditsinalıq járdem kórsetiwdiń túri.
Arasında ana emlewxanadan mına emlewxanaǵa medikament aparıw, rayonlardaǵı qattı bolıp qalǵan nawqaslarǵa «tez járdem» xızmetin kórsetiw, qullası, universal kólik boldı.
Bul jerde Nókistegidey «tez járdem» tez-tez sirena signalların jaǵıp kirip-shıǵa bermes eken (M.Nızanov).
Tez peyil — sál nársege ashıwlana beriw.