TEMIR
Qaraqalpaqsha
at. 1. Ximiyalıq element, gúmis túsli, salmaqtı metall, shoyın menen polattıń tiykarǵı bólegi.
Temir menen tastıń ayırması bar degendey jetim menen jetimlerdiń de ayırması bar eken (J.Aymurzaev).
Ertede ustalar eń qattı taslardı saylap alıp, ol taslardıń quramında temir, titan sıyaqlı qattı metallar da bolǵan, olardı eki mıń-eki yarım mıń gradusta qızdırǵan (M.Nızanov).
2. Sol metalldan ielengen túrli zat, buyım.
Anaw, shoqmar, qanjar, nayza jaraǵı, Mınaw turǵan ushlı temir tayaǵı (SH.Artıq).
Ílay tasıytuǵın, temirden ielengen zámberimiz bar, keminde seksen-toqsan kilo ılay sıyadı (M.Nızanov).
0 Temirden túyin túyiw — usta, ónerli, sheber.
Temirdi qızǵanda bas — hár nárseni óz waqıtında isle degen mánini andatadı.
Temir tártip — qatań tártip, reje.